http://www.y3y2.com/vb/


 
الرئيسيةاليوميةبحـثالتسجيلالمجموعاتدخول

شاطر | 
 

 تدريب الصقور... بالصور

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مستر زوو

avatar

المساهمات : 233
تاريخ التسجيل : 01/11/2007

مُساهمةموضوع: تدريب الصقور... بالصور   الثلاثاء مارس 25, 2008 6:41 am

السلام عليكم ورحمه الله وبركاته

رياضة الصيد با الصقور هي رياضه قديمه جدا وتعتبر من تراث الاجداد الباقي الى يومنا هذا وتورث لجيل بعد جيل ...
صاحب السمو الشيخ : زايد بن سلطان ال نهيان وعلى يده الشاهين (( رحمه الله ))



صاحب السمو الشيخ : جاسم بن حمد آل ثاني


راح ان شاء الله افيدكم ببعض المعلومات عن تدريب الصقور ..
تدريب الصقور :

تدريب الصقور تحتاج الى خبره جيده وصبر ودقه في المعامله ... حتى يصبح الطائر مهذب ويطيع أوامر صاحبه , الحر والشاهين هم من افضل الصقور التي يفضلها أهل الخليج ..

الحر ..


الشاهين ..



ويحتاج وقت يقارب 30 – 40 يوم حتى تتدرب وتتعود على صاحبها وتبدأ تسمع كلامه وتلبي أوامره ..

1. أول مايبدأ به علشان يستأنس الطائر الجارح هو أنه يغمض عين الطائر حتى ماينزعج من شكل الإنسان ..

2. يبدأ المدرب يأكل الطائر اللحم الطري وهو ينادي عليه ويلمسه بيده بحنان ولطف >>> تقريبا مثل معامله الطفل بحنان وعطف ..ويظل هكذا يحس بمدربه ويسمعه بس مايشوفه .. فتدريجيا راح يهدئ الطائر ويخف ازعاجه , ويطمئن لصاحبه ..

3. لما يتأكد المدرب أنه الصقر ماعاد يخاف يبدا يشيل البرقع من عينه بين فتره وفتره ..>>>> مب مره وحده يشيل البرقع ..

4. يبدا يطلع الصقر يقعده مع الناس حتى يتعود علي سماع الأصوات,, بس على المدرب انه يحترس بالأيام الأولى .. وتقريبا مده اسبوعين ياخذ لين مايتعود على الأصوات ويبتدي يتعود على صوت مدربه فيلتفت عليه كلما ناداه ..فعى المدرب انه يأكله لحم طري ويشبعه بعد التدريب اليومي ..

5. وعلى المدرب لنه يعلم الطير انه مايخاف من اللي جاي نحوه وهو انه الطير يشوف اللي جاي نحوه ماسك لحم بيده فيتعود ان اللي جاي صوبه يبي يأكله فعقب هذا راح يطمئن و مايخاف من اللي جاي نحوه .

6. الحين يقدر المدرب انه يمرن الطير على المسافات القصيره , وهو ان الصقار يربط الطير بخيط طويل من رجله وياخذه لمكان عادي يقدر يدربه فيه , وياخذ الصقار أحد زملاءه معاه حتى يساعده ..
يحط الصقار الصقر على يد زميله ويروح صاحب الصقر بعيد بمسافه مثلا خمسين متر .
ويبدأ ينادي الصقر بالأسم اللي أختاره له بصوت عالي ويكرر النداء عده مرات ثم يقوم بالتلواح , لما يلتفت الصقر حق صوت صاحبه ينزع الزميل البرقع ويتركه فيطير الصقر ناحيه صاحبه اللي يقوم بمناداته... وتكرر هذي العمليه عده مرات قبل عمليه التدريب الأخيره ..

7. وأخيرا التدريب الأخير .. يقوم الصقار بالنداء على الطير من مسافه بعيده , فياخذ الصقار الصقر لمكان بعيد عن المدينه فيقوم بنفس الحركه اللي كان يسويها من قبل يعطي الصقر لزميله بس هذي المره يبتعد لمسافه ابعد كيلو متر تقريبا وينادي على الصقرومن ثم التلواح , لما يلتفت للصوت ينزع الزميل البرقع فينطلق الصقر نحو صاحبه ...

ملاحظه : عند اطعام الصقر يجب انه يتاكد صاحبه ان القر أكل بعض الريش لان الريش يساعد على الهضم وتنظيف المعده فبعد عده ساعات يتخلص الصقر منه ..

وبهذا الشكل يكون الصقر انها تدريبه ...

وهذي بعض الصور لطريقه التلواح











وهذي بعض الصور لسمو الشيخ : جاسم بن حمد آل ثاني .. أثناء رحلته





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محب الحيوانات



المساهمات : 23
تاريخ التسجيل : 14/04/2008

مُساهمةموضوع: رد: تدريب الصقور... بالصور   الخميس أبريل 17, 2008 9:31 am

مشكووووووووور على الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مستر زوو

avatar

المساهمات : 233
تاريخ التسجيل : 01/11/2007

مُساهمةموضوع: رد: تدريب الصقور... بالصور   الجمعة أبريل 18, 2008 5:53 am

العفووووووووووووووووووووو Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تدريب الصقور... بالصور
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زوو :: قسم هواة الصقور والطيور البرية-
انتقل الى: